BADAN ANGGARAN DPRD KABUPATEN BULELENG KASARENGIN OLIH TAPD NGELAKSANAYANG PARUMAN NGENININ INDIK PANGRENCANA APBD WARSA ANGGARAN 2019
Singaraja, 25 Oktober 2018
Midabdabin indik nota pengantar Bupati sane sampun kawedar duk paruman paripurna DPRD Buleleng sane sampun lintang, mangeninin indik pangrencana anggaran pendapatan miwah belanja daerah Kabupaten Buleleng warsa anggaran 2019, Badan Anggaran DPRD Kabupaten Buleleng ngamargiang paruman sareng Tim Anggaran Pamerintah Daerah Kabupaten Buleleng sane kalaksanayang ring ruang Gabungan Komisi DPRD Kabupaten Buleleng. Paruman punika kapimpim olih Wakil Ketua DPRD kabupaten Buleleng Ketut Susila Umbara, SH taler saking TAPD kapimpin olih Asisten III Setda Kabupaten Buleleng Drs.I Ketut Asta Semadi, MM.
Maka sangrama wacana pimpinan paruman maosang indik paiketan rancangan APBD warsa anggaran 2019 sane sadurungnyane sampun kamargiang pabligbagan internal Badan Anggaran DPRD Buleleng sane kamargiang ring pinanggal 19 Oktober 2018, wenten makudang-kudang parindikan sane kaanggen uratian inggih punika :
1. Pangrencana PAD mangda karancang 20% saking rencana pendapatan daerah utawi pantaraning samas petang dasa miliar (440 miliar)
2. Nyingakin data realisasi belanja barang lan jasa warsa 2012-2017 sane nenten ngantos 100%, sane ngawinang rencana anggaran belanja barang lan jasa ring warsa anggaran 2019 pacang kekirangin pinih kidik 5% ngelantur kabakta ring belanja modal.
3. Anggaran DPRD ring APBD induk warsa anggaran 2019 mangda karancang anggen siki warsa anggaran sane ngawinang nenten malih ngarancang anggaran DPRD ring APBD paubahan.
4. Sadurung pamerintah Kabupaten Buleleng maosang indik pangapti dana BKK PHR majeng ring pamerintah Kabupaten Badung miwah Kota Denpasar, maka pangawit mangda sadurungne kabligbagang sareng DPRD mangda kauningin kawentenan nyane minakadi pangrencana lan paruntukannyane. Sane ngawinang metu pikayunan sane pateh ring parindikan.
5. Mapaiketan antuk usulan Dewan sane sampun kabligbagang ring paruman Gabungan Komisi kasarengin olih TAPD kabupaten Buleleng duk pinanggal 14 Agustus 2018 mangda ngamolihang uratian sareng TAPD kabupaten Buleleng.
Sarwi saking TAPD Kabupaten Buleleng sane katelatarang olih asisten III Setda Kabupaten Buleleng Drs. Ketut Asta Semadi, MM maosang inggihang pangrencana APBD warsa 2019 luire :
1. Pendapatan Asli Daerah karancang akehnyane kirang langkung 2,204 Triliyun Rupiah yening kasandingang sareng anggaran induk warsa sane sampun lintang utawi pantaraning 3,77 % sareng rincian PAD wenten panincapan akehnyane kirang langkung 11,326 milyar rupiah utawi pantaraning 3,05 % prabea perimbangannyane nenten wenten maubah saking warsa sane lintang, anceng pendapatan punika pacang kalaksanayang nganutin perpres yening paiketan rincian APBN warsa 2019 sampun kacumpuin utawi awig Menteri Keuangan ngeninin indik alokasi DBH, DAU, miwah DAK warsa anggaran 2019 sampun kacumpuin. Lianan ring pendapatan Daerah sane sampun sah wenten panincapan kirang langkung 68,697 milyar rupiah utawi pantaraning 8,11 %
2. Belanja Daerah punika luir ipun saking Belanja Nenten Langsung miwah Belanja Langsung ring rancangan APBD warsa 2019 rancangan punika akehnyane kirang langkung 2,159 triliyun rupiah minekadi ipun Belanja Nenten Langsung sane karancang akehnyane kirang langkung 1.199 triliyun rupiah taler Belanja langsung karancang kirang langkung akehnyane 992,221 milyar rupiah.
3. Prabea Daerah luir ipun sane katampi saking prabea Daerah miwah pengeluaran prabea Daerah sane karencana kiranglangkung akehnyane 12,557 milyar rupiah yening kasandingang sareng warsa sane sampun lintang akehnyane kirang langkung 35,302 milyar rupiah wenten panyusutan kirang langkung akehnyane 47,867 milyar rupiah utawi pantaraning 135,57%.
Mapaiketan sareng makudang-kudang parindikan sane kabaosang olih soang-soang narasumber salanturnyane kalaksanayang pabligbagan pantaraning TAPD sareng Badan Anggaran DPRD Kabupaten Buleleng sane ngawinang wenten paingkupan arsa anggen ngamecikang rancangan anggaran pendapatan miwah belanja daerah kabupaten Buleleng warsa Anggaran 2019.
