BADAN NARKOTIKA NASIONAL NGELAKSANAYANG TES URIN MAJENG PEJABAT DAERAH KABUPATEN BULELENG
Singaraja, 1 November 2018
Ring utsaha ngelidin kawentenan narkotika ring Kabupaten Buleleng, BND (Badan Narkotika Daerah) sane pinaka wagian saking BNN (Badan Narkotika Nasional) ring Kabupaten Buleleng ngawentenang tes urin majeng akeh pejabat ring Pamrintah Kabupaten Buleleng sane kalaksanayang ring genah Wakil Manggala DPRD Buleleng lan katerima langsung olih Wakil Manggala DPRD Buleleng Made Adi Purna Wijaya S.Sos
Manggala kasarengin staf saking BND Kabupaten Buleleng ngelaksanayang tes urin majeng pejabat inggih punika : Sekda Kabupaten Buleleng, taler Manggala SKPD sane daweg punika kantun ngelaksanayang paruman sane kalaksanayang ring genah Gabungan DPRD Kabupaten Buleleng miwah saking petinggi Kodim Buleleng sane ngelaksanayang tes, parikrama puniki pinaka pamargi sane becik ring utsaha ngelidin kawentenan obat-obatan terlarang sane wenten ring Kabupaten Buleleng sane kakawitin saking pejabat ring wewidangan pamerintah Kabupaten Buleleng sadurung kalanturang ke krama sane lianan. Hasil saduwicara majeng wakil Manggala DPRD Kabupaten Buleleng Made Adi Purnawijaya S.Sos, mapaiketan sareng undang-undang sane wenten ring pamrintah daerah, eksekutif lan DPRD punika wajib ngicenin dukungan mangda BND puniki prasida ngelaksanayang pakaryannyane mangda becik sareng piranti sane standar, ngawit pikobet punika ngelantur kalaksanayang tes, dadosnyane iraga sareng-sareng ngedukung lan maingkupan anggen ngicalang Narkotika ring widangan kramane, lan kearepang samian pihak sane ngedukung rumasuk saking DPRD taler SKPD sayaga ngelaksanayang tes sane kawentenannyane nadak, sane ngawinang nenten wenten pangrencana. Iwau rikala nelaksanayang tes sampun kasarengin olih media taler saking BNN lan hasilnyane bersih santukan iraga sane dados contoh anggen krama selanturnyane “ punika panelatarannyane saking genah kerja wakil Manggala DPRD Kabupaten Buleleng ”.
Saking BND nelatarang, mapaiketan sareng kerauhannyane ke Gedung Dewan, saking babaosan Presiden No 6 warsa 2018 ngicalang Narkoba mapaiketan sareng kawentenan Aparat Pamerintah ring Daerah ngicenin contoh majeng kramane sumangdene bersih saking Narkotika, rikala sampun bersih wau nyobyahang majeng kramane “baos manggala BND Kabupaten Buleleng”.
