DEWAN NGELAKSANAYANG PARUMAN GABUNGAN KOMISI MAPAIKETAN SARENG PABLIGBAGAN RAPBD WARSA 2019
Singaraja ,1 November 2018
Anggen nelatarang hasil saking rapat dengar pendapat soang-soang Komisi DPRD Kabupaten Buleleng sareng SKPD mapaiketan sareng RKA warsa anggaran 2019, dewan ngelaksanayang rapat gabungan komisi sareng Badan Anggaran DPRD Kabupaten Buleleng. Paruman puniki kapimpin olih Wakil Ketua DPRD Kabupaten Buleleng Ketut Susila Umbara, SH ring Genah Gabungan Komisi DPRD Buleleng.
Sakadi sane sampun katelatarang olih manggala Komisi I DPRD Buleleng Putu Mangku Mertayasa, SH.MH mapaiketan sareng inventaris data aset sane kadruenang Pamerintah Kabupaten Buleleng mapaiketan sareng data ring Badan Keuangan Daerah (BKD) sampun ngantos 90%, sisanyane kantun madue pikobet indik druen saking pihak ketiga, mapaiketan sareng pelayanan kependudukan ring Disdukcapil sampun nujuang tikas sane becik majeng kalegaan kramane nanging sapunapi mangda kametuang wewangunan Lab Lingkungan Hidup sane wenten ring genah Kantor Disdukcapil mangda prasida kaanggen dados penincapan gedung kantor ring Disdukcapil taler nyiagayang piranti rikala ngelaksanayang perekaman lan nyetak e-KTP ring soang-soang Kecamatan , ring Dinas Penanaman Modal lan pelayanan perizinan terpadu satu pintu mangda kaanggarang prabeya pindah kantor miwah ngabecikang gedung sane anyar, ring inspektorat Kabupaten Buleleng mangda katincapang tenaga auditor sane pateh sareng amanat regulasi, sane mangkin inspektorat kabupaten Buleleng wau madue 15 auditor. Ring wagian-wagian sane wenten ring genah Setda Kabupaten Buleleng saking realisasi program sampun memargi antar nanging sepatutnyane wenten sane ngamecikang utamannyane ring widang pengawasan. Ring dinas Kominfosandi program miwah parikrama sampun mamargi becik nanging sepatutnyane mangda kametuang inovasi-inovasi program lan parikrama sane nganutin IT, ring dinans PMD Kabupaten Buleleng Komisi I DPRD Kabupaten Buleleng pinih cumpu ngeninin indik program sekolah desa sane matetujon anggen nincapang kawikanan saking aparat desa lan prebekel rikala ngolah keuangan desa. Satpol PP sampun mamargi becik rikala ngelaksanayang utsaha prefentif ring parikrama negesang Perda tanpa tebang pilih utamannyane rikala ngelaksanayang parikrama masang baliho ring zonasi sane sampun katetepang. Mapaiketan sareng PPNS mangda kadagingin malih dados 5 diri, nanging sane mangkin wau wenten 1 diri. Ring Kesbangpol mangda kasayagang ruang kantor sane pinih refresentatif ring utsaha ngasriang pelayanan majeng kramane. Taler mangda kautshayang panincapan anggaran anggen soang-soang kecamatan. BKPSDM mangda kaalokasiang anggaran anggen prabeya lelang jabatan lan prajabatan ring warsa anggaran 2019.
Komisi II DPRD Kabupaten Buleleng sane katlatarang olih Gusti Made mapaiketan sareng kawentenan excavator / piranti berat ring dinas pertanian mangda kawawanin mewali, ring Dinas Pariwisata, Komisi II nyumpuin panincapan program promosi utamannyane ring destinasi pariwisata sane anyar taler masikian sareng dinas sane mapaiketan rikala ngaryanang regulasi majeng hasil pertanian, kerajinan, kuliner miwah ngaryanang pasar oleh-oleh khas Buleleng lan ngawentuk Perda ngelola obyek wisata sareng pihak ketiga sane matetujon mangda saling jaga lan nguatang kawentenan obyek wisata punika. Ring Dinas Perkimta, mamgda kaalokasiang prabeya ring utsaha rekontruksi pasca bencana daweg dumun punika wantah sewates data kemanten, kawentenan RTH mangda katincapang pinih kidik 25% madasar antuk regulasi sane wenten. Komisi II DPRD Buleleng nguningin mangda gelis kawentuk perda mapaiketan sareng perlindungan lahan pertanian pangan berkelanjutan (PLP2B)
Komisi III DPRD Kabupaten Buleleng sakadi sane sampun kabaosang Wayan Masdana, SE nguningin mangda nincapang utsaha efektifitas lan efesiensi, mapaiketan sareng honorarium PNS taler ngamecikang nganggen aplikasi mapaiketan sareng program lan parikrama pamerintah Kabupaten Buleleng ring siki leading ring kominfosandi, ngelantur dinas statistic nunas tetimbang anggen ngewangun gedung kantor, komisi III DPRD Buleleng ngutsahayang anggen penincapan PAD ring warsa anggaran 2019 akehnyane 20% sareng nguningin daging potensi sane wenten sakadi piutang pajak, pendapatan miwah sane lianan sane sah rumasuk ring penggeseran anggaran.
Komisi IV DPRD Kabupaten Buleleng sane kabaosang olih manggala Ir. Gede Wisnaya Wisna maosang cumpu majeng Disnakertrans ring utsaha ngametuang penampen daerah saking sektor retribusi IMTA sampun ngantos surplus saking target 1 miliar nincap dados 1,9 milyar.
Selanturnyane saking makudang-kudang parindikan sane ktlatarang ring paruman Gabungan komisi DPRD Buleleng pacang kalaksanayang pabligbagan pantaraning Badan Anggaran Sareng eksekutif. Anggen maripurnayang rikala nyusun rancangan APBD warsa 2019.
