EKSEKUTIF NYUKSERAHANG PAPAT RANCANGAN PERATURAN DAERAH MAJENG RING DEWAN
Singaraja 10 Oktober 2018
Papat Rancangan Peraturan Daerah punika katibak olih Wakil Bupati Buleleng ring Rapat Paripurna Dewan sane kaagendayang indik Penyampaian Nota Pengantar Bupati Buleleng. Papat Rancangan Peraturan Daerah punika minekadinyane : Rancangan Perda sane kapertama indik Perlindungan miwah pemenuhan Hak Penyandang Disabilitas, Rancangan Perda kaping kalih indik Perubahan antuk Perda No.10 warsa 2016 parindikannyane ngeninin indik Pengangkatan miwah Pemberhentian Perangkat utawi Pengurus Desa, rancangan Perda sane kaping tiga indik perubahan kaping kalih antuk Perda No.24 warsa 2011 ngninin indik genah rekreasi miwah olahraga taler Rancangan Perda indik Anggaran Pendapatan Belanja Daerah warsa 2019. Rapat punika kalaksanayang ring ruang Sidang Utama Gedung Dewan Buleleng sane kapimpin olih Ketua DPRD Kabupaten Buleleng Gede Supriatna, SH kadampingin oleh wakil-wakilnyane. Ring rapat punika taler kahadirin olih Bapak Wakil Bupati Buleleng Dr.Nyoman Sutjidra, SP.OG, FKPD Kabupaten Buleleng, Pimpinan OPD lingkup Pemerintah Kabupaten Buleleng taler uleman sane lianan. Rancangan Perda Kabupaten Buleleng indik Perlindungan miwah Pemenuhan Hak Penyandang Disabilitas kaajuang manut ketentuan sane sampun kawedar ring Uger – uger No.8 warsa 2016. Lianan punika Negara taler menjamin makasamian kahuripan warganyane rumasuk Penyandang Disabilitas, sane madue kedudukan hukum miwah Hak Asasi manusia sane pateh pinaka bagian sane nenten prasida kapisahang saking warga Negara Indonesia. Rancangan Perda indik Perubahan majeng ring Perda No.10 warsa 2016 ngeninin indik Pengangkatan miwah Pemberentian Perangkat utawi Pengurus Desa kaanggen ngembakang Permendagri No.67 warsa 2017, indik perubahan Peraturan Mendagri No.83 warsa 2015 ngeninin indik Pengangkatan miwah Pemberhentian Perangkat utawi Pengurus Desa. Kawentenan makudang-kudang aturan sane nandang maubah-ubah. Malarapan antuk punika banget pisan kawentenan aturan sane saih utawi satinut. Rancangan Perda indik Perubahan sane kaping kalih antuk perda No.24 warsa 2011 ngeninin indik retribusi genah rekreasi miwah olahraga sane kaajuang saantukan akeh kawentenan obyek retribusi sane nyandang karombak. Rancangan Perda indik Anggaran Pendapatan Belanja daerah warsa 2019 malapan antuk APBD pinaka Implementasi Program miwah Kegiatan sane Format Struktur APBD nyane sampun kawedar ring Permendagri No.13 warsa 2006 indik Pedoman Pengelolaan Keuangan Daerah sane kagubah dados Permendagri No.21 warsa 2011 indik perubahan kaping kalih ngeninin indik Permendagri No.13 warsa 2006. JO Permendagri No.8 warsa 2018 ngeninin indik Pedoman Penyusunan APBD warsa 2019.
