KPU BULELENG NGELAKSANAYANG PARIKRAMA KUNJUNGAN SARENG MANGGALA DPRD KABUPATEN BULELENG
Wrespati ,15 November 2018
Manggala DPRD Buleleng Gede Supriatna , SH nerima audiensi saking KPU Buleleng sane kalaksanayang ring genah Manggala DPRD Buleleng. Manggala KPU Buleleng sane terpilih Komang Dudhi Udiyana kasarengin anggota KPU Made Sumertana miwah staf KPU nyanggra audiensi ring DPRD Buleleng. Manggala DPRD Buleleng Gede Supriatna,SH kadampingin olih Wakil Manggala DPRD Buleleng Ketut Wirsana,SH taler Made Adi Purna Wijaya, S.Sos kasarengin staf sekretariat DPRD nerima audiensi puniki. mapaiketan sareng pengurus anggota KPU kabupaten Buleleng sane sampun kaupanayanang mangda prasida dados anggota KPU Kabupaten Buleleng masa 2018-2023. Lianan sareng punika taler maligbagang indik proses Pergantian Antar Waktu anggota DPRD Buleleng. Pengurus KPU Kabupaten Buleleng sane anyar kasanggra becik olih manggala DPRD Kabupaten Buleleng miwah katunasin mangda pengurus sane anyar prasida ngamargiang swadarmannyane sane pateh sareng awig sane kamargiang, lan pemilihan umum ring warsa 2019 prasida mapikolih. Mapaiketan sareng proses pergantian antar waktu silih sinunggil anggota ring DPRD Buleleng, mapaiketan sareng surat KPU nomor 695/PY.04.1-SD/5108/KPU-Kab/X/2018 indik PAW anggota DPRD Kabupaten Buleleng saking Partai Persatuan Pembangunan sampun mamargi. Sane mangkin proses puniki kantun memargi lan pacang tetep kalaksanayang santukan galahnyane kantun akidik.
