NYANGGRA PIODALAN RING PURA SANGGA BHUANA KARYAWAN LAN KARYAWATI SEJEBAG SEKRETARIAT DPRD BULELENG NGATURANG AYAH-AYAH

Singaraja, anggara umanis uku landep pinanggal 23 oktober warsa 2018
Mengeninin indik nyanggre piodalan sane pacang rauh dinane benjang, Buda Paing Uku Landep pinanggal 24 Oktober warsa 2018 ring Pura Sangga Bhuana kantor DPRD Buleleng, sane nepek ring Purnama sasih kelima pare krama sejebag secretariat DPRD Kabupaten Buleleng ngaturang ayah-ayah minekadi mereresik,masang wastra ring sowang-sowang pelinggih , ider-ider, lelontek, tedung, penjor, miwah sane tiosan.
Manggala karya sane keangganin olih Kasubag Perlengkapan sekretariat DPRD Kabupaten Buleleng, Agus Widi Sanjaya mawosang parindikan yanggra Piodalan sane pacang rawuh puniki karihinin antuk mereresik lan midabdabin genah peyadnyan sane kelaksanayang olih para krame minekadi para staf kesekretariatan DPRD Kabupaten Buleleng sane kelaksanayang ngawit dinane mangkin nyantos puput, mengeninin indik ngaturang ayah-ayah kerihinin antuk mereresik, ngewastrain pelinggih, ngaturang piuning ring pura-pura, nyorh banten Upakara, miwah sane tiosan. Parindikan piodalan dinane benjang jagi pacang kelaksanayang ring galah 0900 jantos puput sane kapuput olih Ida Pedanda sane pacang kapiletin olih manggala praja lan anggota DPRD Kabupaten Buleleng, karyawan lan karyawati sejebag sekretariat DPRD Buleleng miwah uleman sane tiosan.