PIODALAN RING RUMAH JABATAN MANGGALA DPRD KABUPATEN BULELENG

Singaraja, 22 November 2018
Nepek ring rahina purnama sasih ka- nem, Sekretariat DPRD Kabupaten Buleleng nglaksanayang piodalan ring padmasana Rumah Jabatan Manggala DPRD Kabupaten Buleleng, samian staf DPRD Buleleng sane kapimpin olih Sekwan Drs. Dewa Ketut Manuaba sareng ngerauhin lan nyarengin reruntutan piodalan punika ngantos puput, upacara piodalan kakawitin antuk upacara mareresik, mecaru , mendak ida batara lan kalanturang antuk upacara makala iyas lan ngelinggihang ida batara ring soang-soang palinggih. Maka panguntat acara piodalan kalaksanayang pabaktian olih samian krama sekretariat DPRD Buleleng.
Upacara punika kapuput olih Ida Sri Mpu Dharma Adnyana saking griya Taman Beratan. Parikrama puniki taler mentasang sesolahan inggih punika tari rejang dewa lan tari baris tunggal sane kasolahang olih penari Karya Remaja saking Desa Sari Mekar miwah kairing olih gamelan sekaha gong saking Kelurahan Banjar Tegal.