SINKRONISASI WEWANGUNAN RING WIDANG PERTANIAN PERBEKEL TEMBOK AUDENSI RING GEDUNG DEWAN
Singaraja, 15 November 2018
Mapaiketan sareng utsaha nincapang wewangunan ring sektor pertanian pateh sareng kebijakan Pemerintah Kabupaten buleleng ring warsa 2019, Perbekel Desa Tembok Dewa Komang Yudi Astara, maosang aspirasi sane mapaiketan sareng pikobet sane wenten ring utsaha nincapang produktifitas widang pertanian ring Gedung Dewan katerima olih Manggala Komisi II DPRD Kabupaten Buleleng, Putu Mangku Budiasa, kadampingin Sekretaris Dinas Pertanian I Wayan Narta. S.Pt.MM
Ring panelatarannyane Perbekel Desa Tembok maosang mapaiketan sareng program Pemerintah Kabupaten Buleleng ring utsaha nincapang produktifitas wewangunan widang pertanian ring warsa 2019 puniki pihaknyane rikala nyanggra pinih becik pisan, nanging sepatutnyane program punika mangda kasinkronasiang dumun, mapaiketan sareng kebutuhan lan pikobet sane wenten ring soang-soang desa sane ngawinang program sane karancang olih SKPD sane mapaiketan benjangan prasida memargi antar lan trepti. Sakadi parindikan sane katemuang olih krama ring Desa Tembok mapaiketan sareng pikobet irigasi, sane mangkin kauningin wewidangan pertanian ring Desa Tembok punika genah kering lan wantah ngandelang sabeh, sane ngawinang selanturnyane mangda kaprogramang anggen ngawentenang genah nampung sabeh, taler ring pola irigasi tetes antuk arepan petani prasida berproduksi intens yadiastun ring musim kemarau , lianan sareng punika ngeninin indik hama gayas sane mangkin nyerang nenten wantah nyerang tanaman musiman sakadi palawija,jagung nanging sampun nyerang tetanduran musiman sakadi nyambu mente, lan nyuh, parindikan puniki pastika pinih ngerugiang petani, punika mawinan kearepang kawentenan peran pamerintah ring utsaha ngicalang hama punika. Taler mapaiketan sareng edukasi majeng para petani khususnyane mapaiketan indik pasca panen, sane mangkin para petani ngontrakang hasil komudi khususnyane ring tetanduran poh, majeng sang sane ngontrak, sane ngawinang sang sane ngontrak punika pacang berproduksi maksimal sareng obat-obatan kimia nenten ngitungang awinan kaon sane pacang katemuang ring tetanduran punika. Lan yening parindikan puniki kabanggayang , 3-5 tiban tetanduran poh pastika pacang padem. Taler ngamolihang edukasi majeng para petani mapaiketan sareng utsaha nincapang produktifitas pertanian.
Ngeninin indik parindikan punika saking DPRD sane mangkin kaangganin olih Manggala Komisi II DPRD Buleleng nyanggra becik pisan sane kalaksanayang olih Perbekel Desa Tembok, puniki pinaka kasujatian sane wenten ring lapangan nenten wantah ring Desa Tembok nanging taler ring desa-desa sane lianan, sane ngawinang Pemerintah Derah sumangdene ngambil pakaryan ring lintang Dinas sane mapaiketan. Taler sane mangkin Pamerintah Daerah kantun nyusun RAPBD warsa 2019, ring galahe puniki becik pisan yening program-program sane kasusun olih Dinas Pertanian ring RKA warsa 2019 nganutin kasujatian sane wenten ring lapangan sane ngawinang pantaraning program sane karancang olih pamerintah daerah pateh sareng pikobet sane katemuin olih krama lan prabeya sane kametuang prasida mamargi becik, vokalis dewan puniki taler masemaya ring galah sane sampun nampek puniki pacang sareng-sareng kelapangan sareng dinas sane mapaiketan anggen ngelaksanayang pemetaan majeng potensi taler pikobet sane katemuang olih para petani mapaiketan sareng utsaha-utsaha nincapang produktifitas wewangunan ring widang pertanian.
Saking Dinas Pertanian sane mangkin kaangganin olih Sekretaris Dinas Pertanian, maosang mapaiketan sareng utsaha program irigasi sareng system tetes, pihaknyane ring galah sane sampun nampek puniki pacang ngelaksanayang workshop sane kalaksanayang olih pamerintah pusat taler pikobet punika pacang kabaosang ring pabligbagan, mapaiketan sareng system,efektifitas pikobet sane benjangan pacang katemuang, mapaiketan sareng hama gayas sane mangkin ngamademang tetanduran ring widangan Desa Tembok, pihaknyane sampun ngutsahayang ngamecikang antuk nyarengang universitas udayana nanging ngantos mangkin kantun ring tahap kajian, taler utsaha edukasi lan ngicenin wantuan majeng para petani, pihaknyane pacang mligbagang sareng para petani indik kebutuhan sane kaperluang, awinan taler tata cara ngabecikang sane mangkin sampun kalaksanayang ring desa-desa lianan, nanging kantun sering katemuang pikobet sane wenten ring regulasi, sane ngawinang selanturnyane pihak pacang mabligbagan sareng para pemangku rumasuk pamerintah daerah lan lembaga dewan anggen ngamolihang pamragat sane becik mapaiketan sareng utsaha nincapang produktifitas pertanian pateh sareng program prioritas pamerintah daerah Kabupaten Buleleng warsa 2019 ring widang pertanian.
